Әл-Фараби атындағы ҚазҰУ – ғылым мен білімнің шамшырағы
Дінтану, 1-курс докторант Абдуллаев Н.К.
Ғылыми жетекші: Фил.ғ.докторы PhD Сарсенбаев Р.М.
Аль-Фараби атындағы қазақ ұлттық университеті
Әл-Фараби атындағы Қазақ ұлттық университеті – Қазақстанның жетекші білім және ғылыми орталығы, халықаралық рейтингтерде жоғары орындарға ие болуда. ҚазҰУ қанша жылдар бойы жоғары білікті мамандарды, ғалымдарды және ойшылдарды тәрбиелеп, елдің интеллектуалды элитасын қалыптастырып келеді. Университет классикалық білім беру дәстүрлерін озық инновациялармен ұштастыра отырып, ғылыми ізденіс пен тұлғалық дамуға қолайлы орта жасайды.
ҚазҰУ – сонымен қоса тек Қазақстанда ғана емес, бүкіл әлемде танымал университеттердің бірі. Университеттің көптеген түлектері ғылым, білім, саясат және бизнес салаларында танымал тұлғаларға айналды. Университетте білім беру мен ғылыми зерттеулердің сапасын арттыру үшін заманауи зертханалар, цифрлық кітапханалар және халықаралық деңгейдегі инновациялық орталықтар жұмыс істейді.
Қоғамның гуманитарлық және әлеуметтік дамуына айрықша үлес қосып келе жатқан негізгі факультеттердің бірі – философия және саясаттану факультеті. Бұл жерде болашақ зерттеушілер, аналитиктер мен сарапшылар білім алып, жаһандық үдерістерді сыни тұрғыдан ой елегінен өткізуге, философиялық, әлеуметтік-мәдени және саяси құбылыстарды зерттеуге, сондай-ақ қоғамның зияткерлік бағдарларын қалыптастыруға үйренеді. Факультет халықаралық байланыстарды кеңейтіп, шетелдік университеттермен де әріптестік қатынастарды орнатты. Бұл студенттер мен оқытушылар үшін жаңа ғылыми мүмкіндіктерге жол ашады.
Факультет құрамындағы ерекше орынға ие – дінтану және мәдениеттану кафедрасы. Жаһандану дәуіріндегі дін мен мәдениет мәселелері барған сайын өзекті бола түсуде, ал осы саладағы мамандар әлемдік деңгейде сұранысқа ие болуда. Әл-Фараби атындағы ҚазҰУ-дың дінтану кафедрасы діни феномендерді, конфессияаралық диалогты, рухани мұраны және әлеуметтік-мәдени үдерістерді зерттеумен айналысатын жетекші ғылыми орталықтардың бірі болып табылады. Мұнда дінаралық қатынастар, діни төзімділік, секуляризация, діннің қоғамға және мәдениетке ықпалы сияқты мәселелер бойынша зерттеулер жүргізіледі.
Кафедра студенттері мен магистранттары Қазақстандағы және шетелдегі ғылыми конференцияларға, симпозиумдарға белсенді қатысып, өздерінің зерттеулерін халықаралық деңгейде ұсынады. Сондай-ақ, кафедра шетелдік университеттермен және ғылыми орталықтармен тығыз байланыс орнатып, академиялық ұтқырлық бағдарламаларын жүзеге асырады. Бұл дінтану ғылымына қызығушылық танытқан жас ғалымдарға кең ауқымды білім алуға мүмкіндік береді.
Дінтану және мәдениеттану кафедрасының докторанты ретінде мен Орталық Азиядағы ең беделді университеттердің бірінде білім алып жатқанымды айтып өтуге болады. Әл-Фараби атындағы ҚазҰУ ғылыми ізденіске бірегей мүмкіндіктер ұсынып, халықаралық ынтымақтастық пен пәнаралық зерттеулерге жол ашады. Университет тек білім беріп қана қоймай, жаңа идеялар туындайтын ғылыми қауымдастық қалыптастырып, қоғамның үйлесімді дамуы мен заманауи сын-қатерлерге жауап табуға мүмкіндік береді.
Дінтану және мәдениеттану кафедрасы ғылым мен қоғам дамуына елеулі үлес қоса алатын мамандар даярлауда жетекші рөл атқарады. Кафедра түлектері ғылыми және білім беру саласында, мемлекеттік құрылымдарда, халықаралық ұйымдар мен талдау орталықтарында сұранысқа ие. Сонымен қатар, олардың кейбірі дипломатиялық қызметке араласып, халықаралық деңгейдегі дін және мәдениетаралық диалог мәселелерімен де айналысып жүргендері бар.
Әл-Фараби атындағы ҚазҰУ – бұл жай ғана университет емес, дәстүр мен инновация тоғысқан, ғылыми ізденіс білім әлеміндегі бағыт-бағдар ретінде айқындалатын интеллектуалды білім беретін орталық. Осындай академиялық қауымдастықтың бір бөлігі болу – үлкен құрмет пен жауапкершілік! Университеттің ғылым мен білімдегі жетістіктері Қазақстанның дамуына айрықша үлес қосып, оның халықаралық аренадағы беделін арттырып келеді.
*Партнёрский материал